標題:

如何安裝分體冷氣?40分

aa.jpg

 

此文章來自奇摩知識+如有不便請留言告知

發問:

請問裝分體冷氣要注意什麼? 最好有全部過程! 我剛買了部日立一匹分體機 更新: 所有鑽牆,裝鐵架,拉喉,駁電,駁雪種喉,都識得做, 我想知,唔抽真空,淨係放些雪種迫返的空氣出來是否無咁好?正確要放幾耐才夠?『喉有十呎』原廠會入多幾多雪種比你放?『一匹機計』 點先至裝得好部機?將部機的性能發揮得最好? 更新 2: 多謝師父指點!想問多句,使唔使加潤滑油?如果呢幾日天氣如潮濕,會否放雪種唔能夠迫溫氣出來? 另外無磅表,只有拑表,是否行順機頭睇下a數和說明書接近就可以, 是否高了代表太多雪種!低了代表唔夠雪種? 另外粗喉見到凍到起水是否代表室內機出唔晒的冷氣又或者雪種太多? 更新 3: 還有!粗幼喉和電線用豬腸膠包在一起,是否無咁好? 分開包會否省電一些?有無咁既需要? 油麻地邊間買料比較好? 啤喉鉗平價的大約幾錢? 買豬腸膠,海棉膠布,銅喉,還要買什麼? 銅喉有無得買十五呎?

最佳解答:

首先小弟想講,抽真空的意義就係想將銅喉及indoor(不計outdoor,因為車頭已鎖掣及已養左雪種)內的水氣及雜質抽走,樓主已識安裝,都應該知道如果有水氣及雜質進入車頭會帶來損害,但亦都想講,如果已接通喉管,開一個鎖掣用雪種的壓力將空氣迫走亦可行,只是會損失了一些雪種罷了!不環保外亦需再添加!!!以雪種壓力黎計,一般放三四秒就已經足夠,要是迫不走的雜質,再放都只是浪費!原廠機根本唔會預多比你放,只是根據原廠估計銅喉的長度來添加,這點說明書應該會講基本空裝銅喉長度.一般師傅放雪種只為方便唔駛帶真空泵,及裝得分體機就一定會帶埋雪種入咁解.部機點裝就都無所謂,indoor就當然要留意回風位是否暢通及機身微斜有利去水.至於outdoor就只需留意說明書上所講的離牆身尺寸,太埋牆身會唔夠[索]風,容易做成唔夠[散]熱的情況,最後安裝完成後就只需要留意補充回雪種,(講真少左小小都不大問題)除非你安裝完後比說明書上的銅喉長度還要短.一般意見就係一面開機,一面看磅錶及鉗[A],舉例說現在溫度來講,行順機後磅錶顯示約六十磅[(濕筍喉即較粗那條)]或多少少及不超出機身上寫的Fullload [A]數.及摸下[返車]條喉是否[赤]手就已經可以,因為看見樓主已經可以自行安裝應該對冷氣已經有相當認識,所以內裡的一些慣用名稱亦假設樓主已經明白. 2008-03-22 01:40:22 補充: 1.一般分體機無需要加雪種油 2.不會,壓力足夠迫出任何 氣體或雜質 3.無錯!總之A數唔好超過full load A,這點outdoor機身必定有寫 4.唔關事,粗喉凍到起水條正常,因為返車必定凍到赤手(除非唔正常,即小了雪種之類問題),遇著正常溫度點會唔起水,但如果起雪的話,就一係唔夠雪種,一係唔夠[散] 5.咁又無咩所謂,一般家庭安裝都係咁做 2008-03-22 01:40:47 補充: 6.省電D就未聽過,恕不能回答 7.一般我地都會去新填地街近碧街左右一間叫[均益](真係唔知有無記錯)買銅喉及豬腸膠,比較平,但好似無散料賣 8.嘩!!!真係唔記得,好似約兩三舊 9.有無預豬腸膠布呢?電線唔知算唔算^^ 10.記憶中只有某些五金鋪有散料買,新填地街一帶都應該無,有樓主提到買現成,係唔錯提意,不過就最緊要呎吋夠用,太長或太短也影響安裝的活動性!!可考慮一下

其他解答:

市面的冷氣師傅大部分都唔會抽真空,匹數小及喉短抽唔抽對部機 影響不大,一般原廠入的雪種油是剛剛好唔會多,但放小小只會好些 壞處不多,記住只是小小而言,一般十呎喉會放10秒,至于點先至裝得好部機?將部機的性能發揮得最好?睇安装指引,留意室內機离天花的高度 2008-03-20 01:07:57 補充: 是,沒錯.用拑表坩高了代表太多雪種!低了代表唔夠雪種 唔是,粗喉見到凍到起水是否代表室內機出唔晒的冷氣又或者雪種太多 在新填地街多得利或英光有現成包好豬腸膠,海棉膠布的銅喉賣已打好喇叭口 不須要再買啤喉鉗
arrow
arrow

    ohe09nz81r 發表在 痞客邦 留言(0) 人氣()