標題:
點解Audi 重量分佈咁差?????
發問:
點解Audi 佢整重量分佈咁差????? 車頭偏重 - 57:43 都整得出ge, 人地寶馬就50:50, 搞到quattro 系統被迫分多d 動力比後輪...............我唔係話佢間車廠廢, 佢d 車質素仲好高添, quattro 就係一個好例子, 但係我想問, quattro 咁難都整到, 點解重量分佈就咁差............. 更新: mlmorpyramid , 其實你列ge 例子都係指o個d 十分輕量ge 車, 好似euro-r 咁, 佢咁輕, 所以個引擎先至佔多個%, 所以61:39 是十分正常的。 更新 2: Evo IX 操控好????佢只係入彎快咋, WRX Sti 仲定過佢。 更新 3: 佢有3100 磅所以咪整到60:40 lor, 如果佢低過3000 磅, 分分鐘變左65:35...........
最佳解答:
此文章來自奇摩知識+如有不便請留言告知
其實我唔係好知你想投訴乜嘢, 但如果你話Audi重量分佈差, 不如先睇睇以下呢幾架操控性出名係同級車中上佳嘅車嘅重量分佈先: Accord Euro-R (6-speed): 67:33 Volkswagen GTI: 59:41 Honda Integra (DC5): 61:39 Mini Cooper S: 61:39 Mitsubishi Lancer Evo IX: 60:40 睇番以上例子, 就可以幫Audi平反, 其實57:43都未致於太心差. 而且操控唔係剩係睇重量分佈, 仲要睇好多樣嘢嘅. 加上Audi A4, A6同A8嘅quattro系統係由前驅開發, 而舊式嘅Torsen 差速係需要引擎用直置擺放, 所以要推到副引擎同傳動比較前. 不過呢個安排會由A5開始有所改善, 因為Audi開發咗新嘅平台設計, 之後嘅A4, A6同A8都會用一個叫Modular Longitudinal Platform, 主要係因為新嘅差速系統可以改變前推動軸嘅位置, 令到將引擎同傳動向後移, 而前軸亦都可以推向前端, 令到車重比例有所改善. 密切期待啦!. 2007-07-11 01:27:53 補充： Euro-R係67:33, 唔係61:39. Quattro亦係二十幾年前嘅技術, 而家唔係有咩咁難做. 2007-07-11 01:39:05 補充： Evo IX都超過3100 磅, 唔係咁輕, 但都只係60:40. 2007-07-16 23:32:56 補充： 以我揸過嘅經驗, Evo IX MR嘅彎路操控的確比STI好. 雖然Evo車身好似比較側, 但四條胎仍然好咬住去, 馱感好中性. STI就比Evo推頭早好多. 所以就算STI車身"定"D, 攻彎講快都係Evo快D同tossable易D (綜合自己同幾個玩autocross同track嘅朋友嘅意見而矣, 每人都有自己心頭好).而講車身偷輕, 都要睇偷輕咩地方, 不贅.
其他解答:
你到底係咪真係咁勁?????|||||好多車都係前面重....人地寶馬後輪驅動唔同
留言列表
